Noriichten

Am Kader vun der humanitärer Äntwert vu Lëtzebuerg no den Äerdbiewen an der Tierkei a Syrien, ass en zweete Vol mat Hëllefsgidder haut de Moien a Richtung Tierkei gestart.

Als Reaktioun op d'Äerdbiewen an der Tierkei an a Syrien an op Demande vun der tierkescher Regierung, baut Lëtzebuerg seng humanitär Hëllef fir déi betraffe Mënschen, duerch Spenden un d'Tierkei weider aus.

Am Hibléck op d'Dimensioun vun den humanitäre Besoinen no den dramateschen Äerdbiewen an der Tierkei an a Syrien de 6. Februar 2023, wäert déi Lëtzebuerger Kooperatioun an enger 1. Phas bal 1 Millioun Euro iwwer verschidde Partner un béid betraffene Länner bereetstelle fir dës bei hiren humanitäre Moossnamen z'ënnerstëtzen.

Haut den Owend mécht sech een éischte Member vum "Humanitarian Intervention Team" (HIT) vum Corps grand-ducal d'incendie et de secours (CGDIS), een Expert fir Informatiouns- a Kommunikatiounstechnologien, am Kader vun enger humanitärer Missioun op de Wee an d'Äerdbiewegebitt an d'Tierkei.

Op Invitatioun vum President vun der portugisescher Republik, Marcelo Rebelo de Sousa, waren de Grand-Duc an d'Grande-Duchesse vum 11. op den 12. Mee 2022 fir eng Staatsvisitt a Portugal.

Den 18. Dezember 2019, ass d'Paulette Lenert, Ministesch fir Entwécklungszesummenaarbecht an humanitär Ugeleeënheeten, a Finnland gereest fir den United Nations Technology Innovations Lab (UNTIL) zu Espoo.

No der Ënnerzeechnung vun enger Absichtserklärung tëschent der hollännescher a Lëtzebuerger Regierung de 6. Februar 2019 zu Den Haag, hunn d'Paulette Lenert, Ministesch fir Entwécklungszesummenaarbecht an humanitär Ugeleeënheeten an d'Birgitta Tazelaar, stellvertriedend Generaldirectrice fir d'international Entwécklungszesummenaarbecht vun Holland, en Kooperatiounsaccord ënnerschriwwen.